著數街首頁  |  著數情報  |  優惠券  |  免費Zone  |  著數團購  |  聯絡我們  
Untitled Document


歡迎你,來賓! 搜索 | 活動主題 | 登入 | 登記

鍾楚紅冇打算再婚:冇朱家鼎冇我! 選項
yauso
#1 發表時間 : Friday, April 21, 2017 9:14:29 AM
等級: Administration

組: Administrators

登記時間: 7/31/2009
帖子數量: 7,517
女星鍾楚紅(紅姑)以通花褲出席活動,她透露剛從台灣返港。問到有沒有品嘗美食?她笑說:「唔夠時間,又要減肥,條褲又窄,得23吋腰,只係食咗幾舊魚生,好大損失。(點解肥咗呀? )不嬲都無減過,因為減唔到。(有冇約邱瓈寬?)見咗一日。(佢係咪嬲郭富城唔請佢飲?)我唔覺得佢嬲喎,佢成日都搞笑,點會咁小事就嬲。」


鍾楚紅話朱家鼎嘅精神永遠喺佢心中。

亡夫似守護天使
紅姑又透露剛過去的復活節沒有出埠,因為復活節有很多教會崇拜,所以一般會留港。問到是否受亡夫朱家鼎影響而領洗為天主教徒?她續說:「佢係好虔誠嘅天主教徒,我諗我自己因為同天主教有緣份,所以有感覺有聯繫。(今年係亡夫逝世十週年,有冇悼念佢?)日日都悼念,在心中,佢好似我嘅guardian Angel(守護天使),日日跟住我。 (有冇夢見過佢?)以前有,好似我有時想去一個trip,我知佢都會想去,計劃緊嘅時候就會夢見佢,感覺好似佢陪我去咁!」

怕失禮落淚
問到是否尊重一生一世結婚承諾,所以不再婚?鍾楚紅就:「唔係咩承諾,因為愛情中喺度,心入面仲有感覺,可能我係保守啲嘅人。(咁你咪每日都戀愛中?)你哋覺得我似唔似呀(甜笑)?我接受咗佢唔係我身邊,但佢嘅精神永遠喺度,因為佢令我見識好多,所以我嘅世界大咗,我亦都成長咗,冇佢就冇今日嘅我!(所以你唔會再婚?)我冇諗過呢個問題,但係冇呢個打算,唔係對任何人嘅承諾,因為我再唔再婚唔關你事,係我嘅事!」言畢就向記者撒嬌,指不要再問,否則會忍不住失禮落淚。

轉載自: on.cc東網
瀏覽本話題的用戶
Guest
論壇跳轉  
不可以 發表新話題.
不可以 回覆話題.
不可以 刪除自己的發言.
不可以 編輯自己的發言.
不可以 發表投票.
不可以 投票.
關于著數街 | 私隱政策 | 使用條款 | 網站地圖 | 廣告服務
著數街 | JETSOguide.com © 2009-2017 版權所有,不得轉載!
本網站內的訊息及言論為網站會員發表的個人觀點,不代表本網站同意其說法,本網站不保證訊息之正確性,亦不承擔由訊息言論所引起的法律責任。