著數街首頁  |  著數情報  |  優惠券  |  免費Zone  |  著數團購  |  聯絡我們  
Untitled Document


歡迎你,來賓! 搜索 | 活動主題 | 登入 | 登記

陳法蓉守Dry八年 落寞吔壽司 選項
yauso
#1 發表時間 : Monday, July 17, 2017 1:48:59 AM
等級: Administration

組: Administrators

登記時間: 7/31/2009
帖子數量: 7,598
貴為1989年度港姐冠軍的陳法蓉擁有美貌與智慧並重,自出道以來星途尚算順暢,近日在無綫新劇《賭城群英會》中與陳百祥上演「世紀人工呼吸」,旋即成為全城熱話,令她人氣再度急升,雖然事業上再遇第二春,但感情上卻「守Dry」八年!單身的陳法蓉日前被東網拍得於將軍澳完成工作後,駕車載女友人直駛尖沙咀,其後女友人落車後,她便獨自走進一家商場搵食,最後選擇食「落寞壽司」!一小時後,陳法蓉拿着一袋衫去還,期間不苟言笑,直到還衫時才展露笑容,跟店員有傾有講,最後獨自閒逛半小時後才駕車回家。


人生其實滿希望。

否認冇人要:係唔啱我
眼見好友蔡少芬與朱茵皆已作人妻兼人母,陳法蓉近八年來竟沒有拖拍,還要落寞「食自己」,難怪令人擔心「冇人要」,但她東網訪問時表明戀愛法規,只是寧缺勿濫,而非「守Dry」:「點解要話我冇人要呢?其實係一直有人想要,但嗰啲人真係唔啱我啫!我對戀愛仍然好有憧憬,一定唔會收兵,要好鍾意先會開始一段關係。我經理人試過喺屋企睇有關『盛女』嘅節目,睇睇吓佢會話:『呢個咪你囉!』我覺得只要兩個人相愛,工作忙唔見面係藉口,愛裏面一定要包容同遷就,而我仲好相信愛情。」

拍劇遇喪母 打擊甚大
女人當自強,單身也可以很快樂,情路坎坷的陳法蓉同時卻要面對身心折磨!2009年,她突然受胃液倒流影響,身體稍一操勞便會「火燒心」兼狂嘔,加上當年轉換經理人公司需時適應,故當時決定往後只接簡單登台及廣告工作,直到去年才接拍《賭》劇。談到胃病問題,陳法蓉坦言不會「斷尾」﹕「只要唔太操勞、唔係長時間冇嘢落肚就冇問題。拍《賭》劇唔使擔心冇美食,正所謂『有叻哥(陳百祥)冇肚餓』,片場出現過由香港專程運上深圳場地、新鮮熱辣嘅『好西』,只係拍攝中途遇上媽咪辭世,對我嚟講打擊都幾大!我試過心情好差匿埋喊……諗番轉頭其實去年都幾黑仔,喺西藏開工又試過有高山反應!」身體及精神漸漸康復的陳法蓉近日「再下一城」,與余文樂等到沙漠取景拍戲:「嗰度天氣變幻莫測,試過龍捲風,亦因大風沙關係,收工返酒店沖涼,沖咗好耐都仲係成地沙,但都係一次唔錯嘅經驗﹗」

轉載自:on.cc東網
瀏覽本話題的用戶
Guest
論壇跳轉  
不可以 發表新話題.
不可以 回覆話題.
不可以 刪除自己的發言.
不可以 編輯自己的發言.
不可以 發表投票.
不可以 投票.
關于著數街 | 私隱政策 | 使用條款 | 網站地圖 | 廣告服務
著數街 | JETSOguide.com © 2009-2017 版權所有,不得轉載!
本網站內的訊息及言論為網站會員發表的個人觀點,不代表本網站同意其說法,本網站不保證訊息之正確性,亦不承擔由訊息言論所引起的法律責任。